İsrail Müdafiə Qüvvələri ( IDF ) Livanın "Hizbullah" hərəkatının "Nasser" raket bölməsinin komandirinin məhv edildiyini açıqlayıb.

Publika.az xəbər verir ki, ordunun mətbuat xidməti bu barədə "Telegram" kanalında məlumat yayıb .

“İsrail Hərbi Hava Qüvvələrinə məxsus qırıcı Livanın cənubundakı Cuaya bölgəsinə hədəfli zərbə endirib və "Hizbullah"ın "Nasser" raket bölməsinin komandiri, bölmənin pilotsuz uçuş aparatlarının komandiri Cəfər Hader Fauru məhv edib" - məlumatda deyilir.

IDF-nin məlumatına görə, Faur Livanın şərqindən törədilən hücumlara görə məsuliyyət daşıyırdı.

Ordunun mətbuat xidməti vurğulayıb ki, oktyabrın 8-də oradan onun komandanlığı ilə İsrail ərazisinə ilk raket buraxılışları həyata keçirilib.

IDF həmçinin qeyd edib ki, Faur İsrailin daxili cəbhəsi və IDF əsgərlərinə qarşı çoxlu hücumlar planlaşdırıb.