Rusiya uzun müddətdir ki, ağır texnikada, xüsusən də tanklarda mənfi balansa malikdir. Hər ay Ukrayna Rusiyanın istehsal etdiyi texnikalardan iki dəfə, hətta üç dəfə çox məhv edir.

"Ölkə.az" xəbər verir ki, bunu ehtiyatda olan ukraynalı mayor, Rusiya-Ukrayna müharibəsinin veteranı Aleksey Getman deyib.

“İndi eyni şey canlı qüvvə ilə də baş verməyə başlayır. İnsanları döyüş əməliyyatlarına cəlb etmək üçün onların səfərbərlik qabiliyyəti ayda 25-40 min səviyyəsində idi. Bu, böyük rəqəmdir. Ancaq maksimum 40 min idi. Adətən 30-a yaxın, hətta daha az olurdu. Gündə 1500 işğalçı öldürməklə hər ay 40-45 min düşməni məhv edə bilərik. Bu, onların cəlb edə biləcəyindən 10-15 min nəfər çoxdur”, - Getman qeyd edib.