Rusiyanın yüksək rütbəli təhlükəsizlik və hərbi rəsmiləri Ukraynada hərbi əməliyyatların genişləndirilməsinin tərəfdarıdırlar.

Publika.az xəbər verir ki, xəbərin mənbəsi Müharibə Tədqiqat İnstitutudur (Institute for the Study of War).

Qeyd edilir ki, Rusiya təhlükəsizlik qüvvələri müharibənin danışıqlar yolu ilə həllini axtarmaqdansa, Ukraynada hərbi əməliyyatların intensivləşdirilməsini zəruri hesab edir.

Ruslar etiraf edir ki, onların qoşunları canlı qüvvə və texnika itkiləri ilə mütənasib olaraq əhəmiyyətli ərazi uğurları da əldə etmir. Buna baxmayaraq, Rusiya hərbi komandanlığı taktiki, lakin operativ olmayan nailiyyətlər müqabilində əhəmiyyətli şəxsi itkilər verməkdə davam edir.

Rusiya bu itkilərə görə müharibəni bitirməyə hazır deyil. Əvəzində Putini müharibə səylərini artırmağa, ehtiyat olaraq qismən çağırış etməyi, döyüş meydanını adamlar və texnika ilə doldurmağı təklif edirlər.