Çeçenistan lideri Ramzan Kadırov ABŞ Ukraynaya Rusiya ərazisinə uzaqmənzilli raketlərlə zərbələrə icazə verdikdən sonra şəxsi hava təhlükəsizliyini gücləndirib.

Tekeqraf.com xəbər verir ki, bu barədə VÇQ-OQPU Teleqram kanalı məlumat yayıb.

Kanal bildirir ki, Bəşər Əsəd rejiminin devrilməsindən sonra Suriyadan Çeçenistana S-300 də daxil olmaqla, hava hücumundan müdafiə sistemləri daşınıb. Sistemlər Qroznı və ətrafında yerləşdirilib.

Mənbə qeyd edir ki, sistemlərdən biri Kadırovun rəsmi iqamətgahında növbətçilik edir.

Kadırovun iqamətgahından çox da uzaqda olmayan Baronivski rayonunun sakinlərinin də şəxsi mühafizə vasitələri var. Rayon Çeçenistanın paytaxtının sakinləri arasında populyar məkanlardan biridir, orada Kadırovlar ailəsi yaşayır. Baronivskiyə bütün girişlər çeçen silahlı mühafizəçiləri tərəfindən ciddi şəkildə mühafizə olunur.

Bir S-300 kompleksidə Kadırovların ata-baba kəndi Axmat-Yurtda quraşdırılıb. Hava hücumundan müdafiə bölməsi son vaxtlar gecə-gündüz döyüş növbətçiliyində olur, Kadırov və qohumlarını mühafizə edir.