Aktauda Qəzaya uğrayan təyyarənin qara qutusu tapılıb.

Globalinfo.az xəbər verir ki, bu barədə Qazaxıstanın baş nəqliyyat prokuroru Timur Süleymanov deyib.

Bu arada təyyarədə sağ qalan 29 nəfərin vəziyyəti ağır və orta-ağır olaraq qiymətləndirilir.
Onların arasında iki uşaq da var. Bu barədə Qazaxıstan baş nazirinin müavini Kanat Bozumbayev məlumat verib.

Hadisənin səbəblərini araşdıran hökumət komissiyasına rəhbərlik edən respublika baş nazirinin müavini Kanat Bozumbayev yaralılar arasında Qazaxıstan vətəndaşı olmadığını bildirib.

Kozumbayevin sözlərinə görə, sərnişinlərin siyahısına 6 respublika vətəndaşı daxildir. Faktla bağlı Baş Prokurorluq, Daxili İşlər Nazirliyi və respublikanın aviasiya orqanları tərəfindən araşdırmalar aparılır. Eyni zamanda Bozumbayev azərbaycanlı həmkarların da hadisə yerində olduğunu və onların da araşdırmalarda iştirak edəcəyini diqqətə çatdırıb.