Rusiya Turoperatorları Assosiasiyasının vitse-prezidenti Artur Muradyan Türkiyənin turizm sənayesində “hər şey daxil” sisteminin ləğvi ehtimalı ilə bağlı iddialara münasibət bildirib.

Publika.az xəbər verir ki, Muradyan bunun nəticələrinin çox ağır ola biləcəyini deyib. Ekspertin fikrincə, belə bir qərar bu ölkədə istirahət etmək istəyən rusların sayını xeyli azalda bilər.

Muradyan onu da əlavə edib ki, belə bir qadağanın icrasına nəzarət etmək də çox çətin olacaq. “Söhbət kurort sənayesinin nümayəndələrindən deyil, turistlərin müvafiq xidmətlərə qənaət etməyə çalışmasından əziyyət çəkən əlaqəli sənayedən gedir... Mən nəzarət mexanizmlərini təsəvvür etmirəm”, - Muradyan bildirib.