Avropa ölkələrinin ərazisində 80 min amerikalı hərbçi yerləşdirilib.

Globalinfo.az xəbər verir ki, bu sözlər ABŞ Prezidenti Cozef Baydenin Konqresə məktubunda yer alıb.

Bayden məktubunda sözügedən qoşunların Rusiya aqressiyasını önləmək üçün yerləşdirildiyini deyib.

Məktubda həmçinin ABŞ ordusunun İŞİD və Əl Qaidəyə qarşı xaricdəki əməliyyatlarından da bəhs edilib. Bayden ordunun İraq, Suriya, Yəmən, İordaniya, Livan, Somali, Keniya və Cibutidə əməliyyatlar apardığını qeyd edib. Həmçinin, İordaniyada 3942 hərbçi, Səudiyyə Ərəbistanında isə 2027 hərbçinin olduğu vurğulanıb.