Ukrayna ordusunun Rusiyanın dərinliyinə zərbələr endirməsi bütün cəbhə boyu Moskvanın potensialını zəiflətmək üçün çox vacibdir.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutunun (ISW) təhlilində deyilir.

Mənbə bildirir ki, Ukrayna müasir genişmiqyaslı hərbi əməliyyatların aparılması üçün lazım olan silah və resursları almağa başlayıb. Bunun sayəsində və Qərbin Ukraynaya hərbi yardımı şərtilə Ukrayna önəmli əks-hücumlar həyata keçirə biləcək.

Kiyev və tərəfdaşları Ukrayna ordusunun sürətini artırmaq üçün lazım olan gərgin işə davam etsələr, Ukrayna Silahlı Qüvvələrinin döyüş meydanında sistem inteqrasiyası, imkanları və effektivliyi yaxşılaşacaq.

Həmçinin ABŞ analitikləri etiraf edirlər ki, müttəfiqlər tərəfindən hərbi yardımın davam etdirilməsi və artırılması Ukrayna ərazisinin işğaldan azad edilməsi və Rusiyaya ciddi itkilər vermək üçün hələ də zəruri şərtdir. Bu, Kremli bu müharibədə öz hesablamalarına yenidən baxmağa məcbur etmək üçün lazımdır.

Ekspertlərin fikrincə, Ukrayna Rusiya ilə gələcək danışıqlara güc mövqeyindən girməlidir ki, bu da Qərbin maraqlarına cavab verir.

Prezident Co Baydenin icazəsindən sonra Rusiya ərazisinə ABŞ istehsalı ATACMS raketləri ilə ilk zərbələr endirilib.

Müəllif: Mənsur Rəğbətoğlu