Almaniyada amerikalı casus Çin Xalq Respublikasına casusluq etməkdə şübhəli bilinərək saxlanılıb.

Publika.az TASS-a istinadən xəbər verir ki, bu barədə Almaniya Baş Prokurorluğu məlumat yayıb.

Məlumata görə, ABŞ vətəndaşı “Federal Məhkəmənin müstəntiq hakiminin 30 oktyabr 2024-cü il tarixli verdiyi order əsasında” noyabrın 7-də Frankfurt-am-Mayndə saxlanılıb.

“Bu yaxınlara qədər amerikalı Almaniyada ABŞ ordusunda işləyirdi. 2024-cü ildə o, Çinin dövlət qurumları ilə əlaqə saxlayıb və onları ABŞ ordusundan alınan məxfi hərbi məlumatları verməyə dəvət edib. O, müvafiq məlumatı ABŞ silahlı qüvvələrində işlədiyi müddətdə əldə edib”, - deyə departamentin açıqlamasında bildirilir.

Qeyd edək ki, bundan əvvəl Rusiya Silahlı Qüvvələrinə kömək edən amerikalı Daniel Martindeyl "RİA Novosti"yə bildirmişdi ki, Ukraynada casusluqda şübhəli bilinən bir nəfər də olsun ABŞ vətəndaşı ilə rastlaşmayıb.