İstanbul polisi reydlər keçirib və İŞİD-in fəaliyyətində şübhəli bilinən şəxsləri saxlayıb.

Viral.az-ın məlumatına görə, bu barədə TRT telekanalı məlumat yayıb.

İstanbul Baş Prokurorluğu İŞİD-də işləməkdə şübhəli bilinən 27 nəfərin saxlanılması və həbsi üçün order verib. Bundan əvvəl onların Türkiyə daxilində fəaliyyət göstərdiyi barədə kəşfiyyat məlumatı daxil olub. Bu günə kimi 17 nəfər saxlanılıb. Daha 10 şübhəlinin axtarışları davam edir.

Türkiyə təhlükəsizlik qüvvələri mütəmadi olaraq Türkiyə daxilində İŞİD tərəfdarlarını və ya iştirakçılarını saxlamaq üçün reydlər keçirir. Respublikanın müxtəlif əyalətlərində əməliyyatlar və basqınlar keçirilir.