“Gürcüstanı heç kim müharibəyə çəkə bilməz”.

Globalinfo.az xəbər verir ki, bunu Gürcüstanın hakim Gürcü Arzusu Partiyasının fəxri sədri Bidzina İvanişvili deyib.

O, Gürcüstanda hərbi canilərin (Saakaşvili və ətrafını nəzərdə tutur – red.) sərt cəzalandırılacağını bildirib:

“26 oktyabr seçkilərinə gəlib və Gürcü Arzusunu dəstəkləməklə siz Gürcüstanın heç kim tərəfindən müharibəyə cəlb edilməyəcəyi ilə bağlı zəmanət əldə edirsiniz. Gürcü Arzusu yeganə partiyadır ki, 12 il ərzində çətin geosiyasi situasiyada ölkəyə sülh gətirib”.

Qeyd edək ki, İvanişvili bundan öncə partiyasının qalib gələcəyi halda Tbilisinin osetinlərdən 2008-ci il müharibəsinə görə üzr istəyəcəyini bildirmişdi.