Amerika Birləşmiş Ştatlarının prezidentliyə namizədi kiçik Robert Kennedi sosial şəbəkələrdə Co Baydenin Moskvaya çata bilən silahlarla bağlı açıqlamalarından və Putinə ünvanlanan təhqiramiz ifadələrdən sonra Vaşinqtonun Rusiyanın Kubaya hipotetik silah tədarükünə reaksiyası ilə maraqlanıb.

Publika.az xəbər verir ki, bu barədə MK məlumat yayıb.

Onun sözlərinə görə, Baydenin çıxışı silah alverçilərini uzun müddət bizneslə məşğul olacaqlarına əmin edir.

“Rusiya paytaxtına çata biləcək silahlarla bağlı bütün bu təhlükəli söhbətlər silah alverçilərinin uzun müddət fəaliyyət göstərəcəyini göstərir. Moskva Kubanı hipotetik olaraq Vaşinqtona çata biləcək raketlərlə silahlandırsa, biz necə reaksiya verərdik?” - kiçik Kennedi soruşub.

O bildirib ki, hazırda Baydenin Zelenski ilə Putinin adlarını qarışdırıb-çaşdırmayacağının heç bir əhəmiyyəti yoxdur:

"Çünki o, çaşmır və bəyanatları ilə müharibəni satdığını yaxşı başa düşür".

Hüseyn İbadlı