Jurnalistlər mətbuat konfransında Ermənistan baş naziri olmaq arzusunda olan keşiş Baqrat Qalastanyandan “Xalq birliyi” Partiyasının sədri, revanşist hərəkatın liderlərindən biri Suren Petrosyanın harada olduğunu soruşublar.

Teleqraf.com-un məlumatına görə, Qalstanyan suala cavab olaraq bildirib ki, Petrosyanla sonuncu dəfə iyunun 13-də axşam saatlarında görüşüb, o zaman ölkəni bir neçə günə tərk etməli olduğunu öyrənib.

"Geri dönərkən Surenə nə baş verdiyi ilə bağlı çoxlu suallarımız var, bu yolla gedəcəyik, ya yox, qərar verək", - müxalifətin baş nazir namizədi bildirib.

"Haykakan Jamanak" Petrosyanın Moskvaya getdiyini yazır. Mətbuat katibi Petrosyanın iyunun 18-də qayıtmalı olduğunu desə də, hələ də geri dönməyib. Petrosyanın Rusiyanın paytaxtına nə üçün getdiyi bəlli deyil. Ermənistan hökumətinə yaxın mənbələr Petrosyanın Moskvadan yeni tapşırıq və təlimatlarla qayıdacağını iddia edirlər.