"ABŞ Müdafiə Nazirliyi hələ də Ukraynaya ABŞ-ın verdiyi silahlarla Rusiya ərazisindəki hədəfləri vurmağa icazə vermir. Pentaqon hesab edir ki, Ukrayna öz sərhədləri daxilində taktiki və əməliyyat məqsədləri üzərində cəmləşməlidir".

Publika.az xəbər verir ki, bu barədə "RBC-Ukrayna" Pentaqonun mətbuat katibinin müavini Sabrina Sinqə istinadla məlumat yayıb.

"Bizim siyasətimiz dəyişməyib. Ukraynaya təmin etdiyimiz təhlükəsizlik yardımımız Ukraynada istifadə olunmalıdır və biz Rusiya daxilində hücumları təşviq etmirik və ya buna imkan vermirik", - deyə Sinq nazirliyin Ukraynaya belə bir icazə vermək fikrində olub-olmadığını soruşduqda bildirib.

O, həmçinin qeyd edib ki, Pentaqon Ukraynanın Rusiyadakı daha böyük geosiyasi məqsədlərə deyil, öz sərhədləri daxilində münaqişəyə birbaşa təsir edən taktiki və əməliyyat məqsədlərinə diqqət yetirməklə effektiv ola biləcəyinə inanır.

ABŞ-ın Rusiyaya zərbə endirmək icazəsi

Qeyd edək ki, mayın 30-da ABŞ dövlət katibi Entoni Blinken ABŞ prezidenti Co Baydenin administrasiyasının Ukraynaya Rusiya Federasiyası ərazisində Amerika silahlarından istifadə etməyə icazə verə biləcəyini təklif edib.

Ukrayna Radasının Milli Təhlükəsizlik, Müdafiə və Kəşfiyyat Komitəsinin sədr müavini Yehor Çernev bildirib ki, ABŞ Ukraynaya Rusiyaya zərbələr endirmək üçün Amerika silahlarından istifadə etmək üçün gizli icazə verə bilər.

“Washington Post” qəzeti mənbəyə istinadən yazıb ki, ABŞ Ukraynanın Rusiya ərazisi üzərində Rusiya raketləri və ya qırıcılarını məhv etmək üçün ABŞ tərəfindən təchiz edilmiş hava hücumundan müdafiə avadanlıqlarından Ukrayna üçün təhlükə törətdiyi halda istifadəsinə məhdudiyyət qoymur.