Hər gün sülh müqaviləsi imzalamaq üçün gözəl fürsətlər yaradır.

Teleqraf.com xəbər verir ki, bunu Ermənistan Baş naziri Nikol Paşinyan noyabrda Bakıda keçiriləcək COP29-a qədər sülh sazişinin imzalana biləcəyinə dair Azərbaycandan verilən bəyanatlarla bağlı sualı şərh edərkən deyib.

“Problem ondadır ki, sülh müqaviləsinin mətni üzrə razılaşmalar əldə edilməlidir. Ümid edirəm ki, razılaşmalar əldə olunacaq, daha doğrusu, o razılaşmalar 2022-ci il oktyabrın 6-da Praqa, sonra Soçi və Brüsseldə əldə olunub. Əsas prinsiplər razılaşdırılıb, bunları sülh müqaviləsinin mətnində təkrarlamaq qalır. Düşünürəm ki, bir günə o işi bitirmək şansımız var.

İşin yekunlaşdığı, ümumiləşdirildiyi və imzalamaya keçməli olduğumuzu görəndə, yer və vaxta qərar vermək müzakirə olunacaq başqa bir məsələdir”, - baş nazir bildirib.

Müəllif: Mənsur Rəğbətoğlu