Dünyanın ən böyük neft emalı kompleksinin operatoru olan Hindistanın “Reliance Industries” Holdinqi ABŞ-nin sanksiyaları səbəbindən Rusiyanın “Sovkomflot” (SKF) şirkətinin tankerlərindən neft qəbul etməyəcək.

Teleqraf.com xəbər verir ki, bu barədə “Röyter” məlumat yayıb.

Hindistan hazırda beynəlxalq sanksiya altında olan Rusiya neftinin əsas tədarükçülərindən biridir.

Agentlik yazır ki, Dehlinin qərarı Rusiya üçün neft ixracı problemlərini daha da artırır. Həmçinin Rusiyanın neft şirkətləri Ukraynanın neft emalı zavodlarına son hücumlarından sonra neft satmaq üçün gəmi tapmaqda çətinlik çəkə bilər.

Rusiya şirkətləri tətbiq edilən bank məhdudiyyətlərinə görə artıq neft ixracı üçün ödənişləri toplamaqda çətinlik çəkirlər.

Son qərardan sonra Hindistana Rusiya neftinin tədarükü daha da azala bilər. 2023-cü ilin son aylarında tədarük xeyli aşağı düşmüşdü.

Müəllif: Mənsur Rəğbətoğlu