Ukrayna Prezidenti Vladimir Zelenski hərbi bölmələrin Belqorod və Kursk vilayətlərinə müdaxiləsindən sonra yenidən Rusiyanı təhdid edib.

Teleqraf.com xəbər verir ki, Ukrayna lideri Rusiya ərazisinə hücumların davam edəcəyinin anosunu verib.

“Ən həssas yerləri, ən böyük zərərləri vura biləcəyimiz yerləri müəyyən etmişik. Bunu həyata keçirəcəyik”, - Zelenski deyib.

Prezident əlavə edib ki, Ukrayna Silahlı Qüvvələrinin baş komandanı Aleksandr Sırski ilə gələcək fəaliyyətləri müzakirə edib.

Martın 12-də “Rusiyanın Azadlığı” Legionu, “Rusiya Könüllüləri” Korpusu və “Sibir” Batalyonunun döyüşçüləri Rusiyanın Kursk və Belqorod vilayətlərinə daxil olublar. Bir sutka davam edən qarşıdurma nəticəsində iki sərhədyanı kənd bölmələrin nəzarətinə keçib. Rusiya ordusu bir neçə saatlıq toqquşmadan sonra ərazilərə nəzarəti tam bərpa edib.

Müəllif: Mənsur Rəğbətoğlu