Avropa Komissiyasının rəhbəri Ursula fon der Leyenin Münxen Təhlükəsizlik Konfransında Rusiya əleyhinə bəyanatı Avropanın Rusiyaya qarşı müharibəyə girməsinə haqq qazandırmaq məqsədi daşıyır.

Publika.az xəbər verir ki, bu açıqlama ilə Fransa Vətənpərvərlər Partiyasının lideri Florian Filippot çıxış edib.

"Ursula özünü orduların lideri kimi görür, buna legitimliyi olmasa da, bizi hərtərəfli müharibəyə sürükləməyə hazırdır!" – o, X sosial şəbəkə hesabında yazıb.

Daha əvvəl fon der Leyen Münxen Təhlükəsizlik Konfransında çıxışı zamanı Avropa Komissiyasının mart ayında Aİ Hərbi Sənaye Strategiyasını təqdim edəcəyini bildirmişdi. Bundan əlavə, fon der Leyenin ikinci müddətə Avropa Komissiyasına rəhbərlik etməyə çalışacağı bildirilib.

Həmçinin Almaniya kansleri Olaf Şolts Ursula fon der Leyenin NATO-nun baş katibi vəzifəsinə namizəd kimi irəli sürülməsinə icazə verməyib.

Murad