ABŞ mətbuatı Putinin Rusiya-Ukrayna müharibəsinin dayandırılması üçün atəşkəs razılaşmasına hazır olduğunu iddia edib.

Publika.az xəbər verir ki, hərbi rəsmilər və ekspertlər Rusiya-Ukrayna müharibəsinin dalana dirəndiyini şərh edərkən, Rusiya prezidenti Vladimir Putinin mümkün atəşkəs razılaşması üçün Ukrayna ilə danışıqlara can atdığı iddia edilib. ABŞ-ın “New York Times” (NYT) qəzetinin iddiasına görə, ötən həftə rus generallara müraciətində "Bizim olandan əl çəkməyəcəyik" deyən Putin hazır olduğu mesajını verir.

Qəzetin ABŞ və Rusiya mənbələrinə əsaslanaraq verdiyi xəbərə görə, ictimai bəyanatlarının əksinə olaraq, Putin sentyabr ayından müxtəlif kommunikasiya kanalları, o cümlədən ABŞ və Rusiya ilə təmasda olan üçüncü ölkələrin hökumətləri ilə qeyri-rəsmi təmaslardadır. NYT-yə danışan mənbələrə görə, Rusiya lideri danışıqlar masası üçün zəmin yarandığını düşünür, çünki cəbhədəki vəziyyət hər iki tərəf üçün dalana dirənib. Qərb Ukraynaya daha az dəstək verməyə başlayıb.

Qərb rəsmiləri Putinin prezident seçkiləri öncəsi mümkün bir razılaşmanın imzalanacağını görə biləcəyini düşünürlər. Bunu xalqa qələbə kimi təqdim edəcək. Bununla belə, bəzi ABŞ mənbələri hesab edir ki, gələn il ABŞ-da keçiriləcək seçkilərdə Donald Tramp qalib gələrsə, Rusiya daha rahat masa arxasında əyləşə, Kreml isə seçkilərin nəticələrini gözləyə bilər.

Digər tərəfdən, Kremlin sözçüsü Dmitri Peskov iddiaları təkzib edib:

“Biz de-nasist məqsədlərimizə, Ukraynanın demilitarizasiyası və neytral statusuna nail olanda sülh olacaq”,- deyən Peskov qəzetin iddialarının həqiqəti əks etdirmədiyini bildirib.

Aysel Şahmar