İranın pilotsuz təyyarəsi Fars körfəzində ABŞ Hərbi Dəniz Qüvvələrinə məxsus təyyarədaşıyan gəminin yaxınlığında uçub.

Publika.az xəbər verir ki, bu barədə “Fox News” telekanalı məlumat yayıb.

İrana məxsus pilotsuz uçuş aparatının beynəlxalq sularda olarkən “Eisenhower” təyyarədaşıyan gəmisinin yaxınlığından uçduğu dəqiqləşdirilir. Dron operatoru bütün çoxsaylı xəbərdarlıqlara məhəl qoymayıb.

"Amerika ordusu İran nümayəndələrinin bu davranışını təhlükəli və qeyri-peşəkar hesab edir", - telekanal qeyd edib.

Pentaqonun sözçüsü Patrik Rayderin sözlərinə görə, ABŞ Müdafiə Nazirliyi hazırda bu insidentlə bağlı şərh verməyə hazır deyil. Faktla bağlı araşdırma aparılır.

Tural