ABŞ Qara dəniz üzərində pilotsuz təyyarələrin uçuşlarını bərpa edib.

Publika.az xəbər verir ki, bu barədə “Reuters” adı açıqlanmayan iki ABŞ rəsmisinə istinadən məlumat yayıb.

Bildirilib ki, ABŞ martın 17-də Qara dəniz üzərində pilotsuz təyyarələrin uçuşlarını bərpa edib. RQ-4 “Global Hawk” PUA-nın bölgəyə uçuş həyata keçirdiyi qeyd edilir.

Bir səlahiyyətli bildirib ki, bu uçuş MQ-9 Reaper pilotsuz təyyarəsi insidentindən sonra ilk uçuşdur.

Martın 14-də ABŞ-ın Avropa Komandanlığı Rusiyaya məxsus Su-27-nin Qara dəniz üzərində Amerikanın MQ-9 pilotsuz təyyarəsinin pərvanəsini vurduğunu, bundan sonra pilotsuz təyyarənin beynəlxalq sulara düşdüyünü açıqlayıb.

Eyni zamanda, Rusiya Müdafiə Nazirliyi rus qırıcılarının hava-desant silahlarından istifadə etmədiyini və ABŞ pilotsuz təyyarəsi ilə təmasda olmadığını bildirib.