Vətən Müharibəsində böyük qəhrəmanlıqlar göstərən şəhid polkovnik-leytenant Abakar Hacıyevin oğlu Hacı Hacıyev milli komanda ilə birlikdə Dünya Robot Olimpiadasında tarix yazıb.

Publika.az xəbər verir ki, Hacı Hacıyev Azərbaycanı olimpiadada təmsil edən "Village Boys" komandasının 3 üzvündən biridir. AREA-nın (Azerbaijan Robotics Engineering Academy) yaydığı məlumata görə, “Village Boys” - Kəndli Oğlanlar komandası Panamada keçirilən olimpiadada yüksək nəticə göstərib. Milli komandamız 57 ölkənin komandalarını geridə qoyaraq Dünya Robot Olimpiadasında ikincilik qazanıblar.

Qeyd edək ki, Hacı Hacıyev Zaqatala rayon, Akademik Zərifə Əliyeva liseyinin X sinif şagirdidir.