Rusiya sülhməramlılarının hərəkətsizliyi ermənilərin Qarabağda (Azərbaycanın Qarabağ bölgəsi – red.) evlərini itirməsinə və geri qayıtmaq imkanından məhrum olmasına səbəb olub.

Axar.az xəbər verir ki, bunu Ermənistanın Baş naziri Nikol Paşinyan Avropa Parlamentinin üzvləri qarşısında çıxışı zamanı deyib.

Paşinyan KTMT-dən avropalılara şikayət edib:

“2021-ci il mayın 12-də Azərbaycan Silahlı Qüvvələri Ermənistanın “sərhədlərini pozaraq” (müəyyən edilməyən) Ermənistanın suveren ərazisinə 4 km-dək, 100 km-ə qədər uzunluqda “işğal edib”. Bu vəziyyətdə Ermənistanın təhlükəsizlik sistemi sayılan KTMT və ikitərəfli müqavilələr əsasında təhlükəsizlik öhdəliyi daşıyan ölkələr Ermənistana heç bir köməklik göstərmədilər, bizi tək qoydular”.