Ermənistanın təhlükəsizlik müttəfiqləri açıq şəkildə ölkədə demokratik hökumətin devrilməsinə çağırıblar.

Yenipress.az xəbər verir ki, bunu Ermənistanın Baş naziri Nikol Paşinyan Avropa Parlamentində çıxışı zamanı deyib.

Paşinyan qeyd edib ki, Ermənistanda demokratiya eyni ssenari üzrə ciddi zərbələr alıb və almaqda davam edir:

“2020-ci ildən sonra oxşar hadisələr bir neçə dəfə baş verib, onlardan ən böyüyü 2022-ci ilin sentyabrında Azərbaycanın Ermənistana “hücumu” olub, nəticədə Ermənistanın suveren ərazisi “işğal” edilib”. Yüz min erməninin Qarabağdan Ermənistana “qaçdığı” dövrdə bizim təhlükəsizlik müttəfiqlərimiz nəinki bizə kömək etmədi, hətta Ermənistanda hakimiyyətin dəyişdirilməsi və demokratik rəhbərliyin devrilməsi ilə bağlı açıq çağırışlar etdilər”.