Fransa gələcəkdə Ermənistana hərbi texnikanın verilməsini mümkün edəcək saziş bağlamağa razılaşıb. "Ölkə.az" xəbər verir ki, bu barədə Fransanın xarici işlər naziri Ketrin Kolonna erməni həmkarı Ararat Mirzoyanla keçirdiyi mətbuat konfransında bildirib.

"Fransa gələcəkdə Ermənistana öz təhlükəsizliyini təmin etmək üçün hərbi texnika verməyə imkan verəcək saziş imzalamağa razılıq verib. Hələlik bu barədə ətraflı danışa bilmərəm", - Kolonna qeyd edib.

Fransa xarici işlər naziri həmçinin bildirib ki, o, Avropa diplomatiyasının rəhbəri Josep Borrellə ​​Aİ-nin Ermənistandakı mülki missiyasının genişləndirilməsi və onun mandatının gücləndirilməsi təklifi ilə rəsmi müraciət edib. O, Ermənistanın Moldovanın qoşulduğu Avropa Sülh Fonduna daxil edilməsini təklif edib.

Kolonna əlavə edib ki, Aİ ölkələri Fransadan nümunə götürməli və Ermənistanın ərazi bütövlüyü məsələsində aydın mövqe bildirməlidir.

Elvin

Ölkə.az