“Haber Global”ın baş redaktoru Taha Dağlı Qarabağda erməni təxribatı və İranın təsirindən yazıb.

Publika.az Dağlının təhlil yazısını təqdim edir:

O bildirib ki, ermənilər Qarabağda təxribatlar törədirlər:

“İran əvvəlki kimi yenə də Ermənistanın tərəfindədir. Qərblə İranın erməni tərəfdə qarşılaşdığı qəribə mənzərə yaranır. Ermənistan təkbaşına Azərbaycana meydan oxumağa cəhd edə bilməz. Buna kənardan aldığı dəstəklə cəhdlər edir. Çünki Azərbaycan köhnə Azərbaycan deyil. Ermənilər ilk səhvlərində yenə 3 il əvvəl olduğu kimi əziləcəklər. Unutmamalıyıq ki, Türkiyə də işin içindədir. Prezident Ərdoğan Paşinyanla danışıb və xəbərdarlıq edib”.

Baş redaktor diqqətə çatdırıb ki, önümüzdəki həftələrdə Ərdoğan bölgədə daha aydın mesajlar verə bilər:

“Paşinyan bu sözlərə qulaq asırmı? Əslində, bəli, dinləyir, heç olmasa, dinləməyə çalışır. Amma Ermənistanı qazla vuranlar var. İran təbii ki, onlardan biridir. Türkiyə İranla bağlı məsələləri diqqətdə saxlayır. Xarici işlər naziri Hakan Fidan Tehrana səfəri zamanı bu məsələlərə toxunub. Qarabağ problemində diqqət yetirilməli ən mühüm yer İrandır. İranın tarixi düşmənçiliyi var. Onlar qorxurlar ki, Türkiyə və Azərbaycan onların yanında güclənəcək. Ermənistanın Azərbaycana qarşı təxribat etməsi asandır. Eyni şey İrana da aiddir. Onların dinamikası bir neçə sadə cəhdlə aktivləşdirilə bilər”.

T.Dağlı əlavə edib ki, İranın Ermənistan-Azərbaycan gərginliyinə biganə qalması ağlasığmazdır:

“Azərbaycan Ermənistan problemini təkbaşına həll edə biləcək gücə sahibdir. Amma ondan dərhal sonra İran da peyda olur. Dediyimiz kimi, İranın belə gərginlikdə iştirak etməsi üçün hər cür motivasiyası var. Fotoya bu prizmadan baxdıqda görürük ki, Azərbaycanla İran arasında mümkün münaqişəyə tez bir zamanda yol açmağa çalışırlar.

Ermənistan bu vəziyyətdə piyadadan başqa bir şey ola bilməz. Türkiyə bu riski oxuyur. Qərb bu prosesi, yəni Azərbaycan-İran gərginliyini 2020-ci ildən sonra israrla qidalandırır. İran istər-istəməz bunu etməyə hazırdır. Cənubi Qafqazda güclü Azərbaycanın olması İranın aqressiv olması üçün kifayət qədər əsasdır. Bu, zəminin münaqişə üçün əlverişli olduğunu göstərir. Amma belə olmamalıdır. Cənubi Qafqazda heç bir münaqişə olmamalıdır.

Türkiyə bunu istəmir. Mümkün münaqişənin qalibləri bu münaqişəni arxadan itələyənlərdir. Türkiyənin xarici siyasəti də bunun fərqindədir. Azərbaycanla İran arasında münaqişə yaratmaq asandır. Ən çətini sülhü qorumaqdır. Türkiyə bunu etməyə çalışır. Əgər İran hücuma keçəcəyini deyirsə və bunu tez-tez qeyri-rəsmi mənbələr vasitəsilə deyirlərsə, vəziyyət başqadır. Türklər döyüşdən qaçmazlar. Sadəcə səbəbsiz yerə döyüşmək istəmirlər, sadəc bu qədər”.

Aysel Şahmar