Yunanıstan iki kritik görüşə fokuslanıb. Yunan mətbuatı günlərdir ki, xarici işlər naziri Hakan Fidan ilə Yunanıstan xarici işlər naziri Giorgos Gerapetritis arasında sentyabrın 5-də baş tutacaq görüşün gündəmini müzakirə edir, digər tərəfdən də Nyu-Yorkda prezident Rəcəb Tayyib Ərdoğan və Yunanıstanın Baş naziri Kiryakos Miçotakis arasında baş tutması gözlənilən görüşlə bağlı təhlillər dərc edirlər.

Publika.az xəbər verir ki, görüşlərin gündəm maddələrini araşdıran Yunan mətbuatı Türkiyənin xüsusilə Kiprlə bağlı qırmızı xətləri olduğunu, Egey və Şərqi Aralıq dənizində heç bir güzəştə getmədiyi vurğulayıb.

"Ta Nea", Hakan Fidan ilə Corc Gerapetritis arasında sentyabrın 5-də keçiriləcək görüşün hazırlıq olduğunu, iki ölkə arasındakı gərginliyin ardıcıl danışıqlar prosesinə çevrildiyini yazıb. Dialoqun yenidən başlaması və kommunikasiya kanallarının açıq saxlanılması ilə bağlı razılıq yollarının axtarılacağı yazılan xəbərdə iki nazirin görüşünün adi hala çevrilməsi gözlənildiyi bildirilib.

İki ölkə arasında həll olunmamış problemlərin olduğunu xatırladan məqalədə Kipr məsələsinə diqqət çəkilib. Kiprin çox çətin bir bölgə olduğunu dilə gətirən qəzet, qitə şelfində və EEZ məsələlərində həll yolu tapmağın çətin olduğunu qeyd edib. Türkiyənin "Mavi Vətən"dən əsla vaz keçməyəcəyi bildirilərkən, Yunanıstanın da özünəməxsus qırmızı xətlərinin olduğu ifadə edilib.

"Kathimerini" isə prezident Ərdoğan ilə Miçotakis arasında 17-21 sentyabr tarixlərində Nyu-Yorkda baş tutacaq görüşün həyati əhəmiyyət daşıdığını qeyd edib. Bildirilib ki, bu görüşdən sonra yaşıl işıq yandırılarsa, texniki detalların müzakirə olunacağı Xarici İşlər Nazirliyi səviyyəsində görüşlər oktyabr ayında da davam etdiriləcək.

Nəzrin