Ukraynalı hərbi ekspert Aleksandr Kovalenko Ukraynanın işğaldan azad edilmiş ərazilərinin minalardan təmizlənməsi zamanı Ermənistan istehsalı olan minaların aşkarlanması ilə bağlı son açıqlamasını təkzib edib.

Axar.az xəbər verir ki, hərbi ekspert bununla bağlı sosial şəbəkə hesabında yazıb.

“Sözügedən foto Ukraynada deyil, 2022-ci ildə Qarabağda ANAMA-nın Laçın rayonunun Zabux və Sus kəndləri ərazisində apardığı minalardan təmizləmə tədbirləri zamanı çəkilib”, - Kovalenko bildirib.

Qeyd edək ki, Aleksandr Kovalenko Ukraynanın Rusiya işğalından azad edilən ərazilərində minatəmizləmə işləri zamanı Ermənistan istehsalı olan “E-001” piyada əleyhinə minalar tapıldığını yazmışdı.