Pentaqon mənbələrinin məlumatına görə, NATO sammitində ABŞ və Avropa ölkələri hərbi strategiya ilə bağlı razılığa gəlməyiblər. Amerika mətbuatının əldə etdiyi məlumata görə, ABŞ 2024-cü il sammiti üçün yeni hərbi strategiya hazırlayıb. ABŞ NATO-nun şərq qoşunlarını və müdafiə düşüncəsini tamamilə dəyişəcək.
Elchi.az bu barədə Haber Global-a istinadən xəbər verir.
İyulun 11-12-də Litvanın paytaxtı Vilnüsdə keçirilən NATO sammitində İsveç və Finlandiyanın qəbulu, NATO-nun kəşfiyyat strukturunun tamamilə dəyişdirilməsi kimi kritik qərarlar qəbul edilib. Lakin beynəlxalq mətbuatda əksini tapan qeydlərdə NATO-ya üzv ölkələrin də sammiti məyusluqla tərk etdiyi bildirilir. NATO-nun avropalı üzvləri ABŞ-ın Ukraynanın üzvlük statusuna qarşı çıxmasından məyusdur və ABŞ – ın NATO-nun Rusiyaya qarşı qurduğu şərq cəbhəsindəki hərbi çatışmazlıqları avropalı üzvlər qarşısında qəbul edə bilmir. ABŞ gələn il Vaşinqtonda keçiriləcək NATO sammiti üçün yeni strateji planını artıq müəyyən edib.
Qlobal müdafiə jurnalistikasının nüfuzlu nəşri, ABŞ-da yerləşən Defence One saytı ABŞ-da Pentaqon və NATO rəsmilərindən aldığı məlumatlara əsaslanaraq xəbərlərində növbəti NATO sammitinin əsas gündəliyinin tamamilə fərqli olacağını iddia edib . Əldə edilən məlumata görə, NATO-nun 2024-cü ildə Vaşinqtonda keçiriləcək sammitində ABŞ-ın əsas gündəmi hərbi strategiyanın dəyişdirilməsi olacaq.
Nuranə Məmmədova