Belarus Prezidenti Aleksandr Lukaşenko Rusiyadakı qiyam fonunda təhlükəsizlik qüvvələri ilə iki görüş keçirib.

Publika.az xəbər verir ki, bu barədə "RİA Novosti" onun mətbuat katibinə istinadla məlumat yayıb .

Lukaşenko güc blokunun rəhbərliyi və hərbçilərlə məsləhətləşib. Təfərrüatlar açıqlanmır.

Qeyd edək ki, Rusiya Prezidenti Vladimir Putin şənbə günü, iyunun 24-də səhər saatlarında belaruslu həmkarı ilə telefon danışığı aparıb.

Xatırladaq ki, "Vagner" PMC-nin rəhbəri Yevgeni Priqojinə qarşı silahlı üsyan təşkil etmə faktı ilə bağlı cinayət işi başlanıb. Buna səbəb, onun Rusiya hərbçilərinə şirkətin arxa düşərgələrinə zərbə endirməkdə ittihamları, habelə "Vagner" döyüşçülərinin yolunu kəsən hər kəsi, istanilən aviasiya vasitəsini, o cümlədən hər hansı bir maneə də daxil olmaqla, güc tətbiq etmək və məhv etmək təhdidləridir.

Hüseyn İbadlı