Belarus Prezidenti Aleksandr Lukaşenko Rusiyadan sonra Belarusda da səfərbərliyin elan ediləcəyi ilə bağlı yayılan məlumatlara münasibət bildirib.

Publika.az xəbər verir ki, Lukaşenko bu xəbərləri şayiə adlandırıb.

“Bu səfərbərlik Rusiyadadır, bizdə deyil. Şayiəni yayanlar bunun müqabilində heç nə əldə etməyəcəklər. Bir şeyi dərk edin, səfərbərlik olmayacaq. Bu, yalandır”, - Belarus prezidenti qeyd edib.

Bundan əvvəl ölkənin xarici işlər naziri Vladimir Makey Ukraynadakı hərbi əməliyyatlarda respublikanın heç bir hərbçisinin və hərbi texnikasının iştirak etmədiyini bildirib.

Belarus Təhlükəsizlik Şurasının dövlət katibi Aleksandr Volfoviç də vurğulayıb ki, Belarus silahlı qüvvələri ölkənin sərhədini keçəcəkləri təqdirdə qonşuların təxribat xarakterli hərəkətləri ilə mübarizə aparmağa hazırdır.