Rostov vilayətinin qubernatoru Vasili Qolubev sakinlərə müraciət edib.

Publik.az xəbər verir ki, Qolubev sakinlərdən şəhərin mərkəzinə getməməyi tələb edib.
O, həmçinin Rostov sakinlərindən mümkünsə evlərini tərk etməmələrini və sakit olmalarını xahiş edib.

Qubernator bildirib ki, mövcud vəziyyət asayişi qorumaq üçün bütün qüvvələrin maksimum cəmləşməsini tələb edir və hüquq-mühafizə orqanları rayon sakinlərinin təhlükəsizliyini təmin etmək üçün lazım olan hər şeyi edir.

Qeyd edək ki, “Vaqner” birləşməsinin üzvlərilə rus ordusunun əsgərləri arasında toqquşma olduğu bildirilir. “Vaqner”in rəhbəri Priqojin Rostova doğru hərəkət etdiklərini açıqlayıb.