"İrəvanda keçirilən Ağır atletika üzrə Avropa çempionatının açılış mərasimində Azərbaycan bayrağının yandırılması daha bir erməni vandallığının və barbarlığının nümunəsidir".

Bu sözləri Publika.az- a açıqlamasında politoloq Amid Əliyev deyib.

O, bildirib ki, bununla erməni cəmiyyəti Azərbaycana qarşı olan qısqanclıq və nifrət hisslərini boğa bilmədiklərini və əksinə artan ədavətin olduğunu bir daha göstərmiş oldular:

"Bütün dünyada idman yarışları siyasi proseslərin, ambisiyaların və manevrlərin mərkəzində olmadığı bir zamanda Ermınistan dövləti və cəmiyyəti bunun tam əksini sübut etdi".

Politoloq qeyd edib ki, idman hər zaman siyasətdən uzaq olub və olmalıdır:

"Buna ən bariz nüminə kimi ermənilərin dəfələrlə Bakıda keçirilən beynəlxalq səviyyəli yarışlarda iştirakını göstərmək olar".

A.Əliyev deyib ki, Azərbaycanın dövlət atributunun təhqir olunması isə birbaşa Ermənistan hakimiyyətinin üzərinə düşür. Belə ki, təşkilatçı kimi Ermənistan bu cür hadisələrin baş verməməsini təmin etməli idi:

"Bu bir daha onu göstərmiş oldu ki, Ermənistan öz ərazisində beynəlxalq səviyyəli yarışları keçirmək iqtidarında deyil. Hələ erməni cəmiyyətinin dünyadan demokratiya, humanizm, bayraq və himnlərə ehtiram göstərmək kimi ümumbəşəri prinsiplərin olmasından xəbəri yoxdur. Sözdə sülhə hazır olduğunu deyən Ermənistan siyasi hakimiyyəti öncə erməni cəmiyyətində mövcud olan kin, qısqanclıq, nifrət və düşmənçilik elementlərinin qarşısının alınması istiqamətində vacib addımlar atmalıdır ki, gələcəkdə reinteqrasiya zamanı ciddi problemlər yaşanmasın".

Politoloq bildirib ki, baş verən hadisəyə cavab olaraq Azərbaycan idmançıları yarışda iştirakdan imtina ediblər və vətənə qayıdırlar. Bu məntiqli və olduqca vacib məqamdır. Bu, erməni cəmiyyətinə mesaj olmalıdır ki, bağrağımızın təhqir olunması ciddi siyasi aktdır və bunun cavabı verilməlidir:

"Hadisənin canlı efir zamanı baş verməsi dünya idman ictimaiyyətinin qınağına çevrilməli və buna yüksək səviyyədə qiymət verilməlidir. Eyni zamanda ev sahibi kimi Ermənistana maliyyə sanksiyası tətbiq olunamlıdır. Bu istiqamətdə artıq Azərbaycan dövləyi rəsmi müraciətləri edib.

"Ermənistan tərəfindən Azərbaycanın təbiətinə, infrastrukturuna və əhalisinə 30 il ərzində vurulmuş ziyanın əvəzi ödəniləcəyi kimi, bayrağımıza qarşı edilən vandal aktına görə də Ermənistan cavab verməli olacaq".