"Hərbi müdaxilə zamanı Belarusun Rusiyadan aldığı təhlükəsizlik zəmanətləri mövzusu Moskvada dövlət başçıları səviyyəsində və İttifaq Dövlətinin Ali Dövlət Şurasının iclasında müzakirə olunub.

Publika.az xəbər verir ki, bu barədə Belarusun Rusiyadakı səfiri Dmitri Krutoy məlumat verib.

Onun sözlərinə görə, Rusiya prezidenti Vladimir Putin bununla bağlı əlavə göstərişlər verib və indi Təhlükəsizlik Şuraları bütün bu işləri sözün həqiqi mənasında yaxın vaxtlarda yekunlaşdırmalıdır.

"Belarus 100% təhlükəsizlik zəmanətinə malik olmalıdır", - diplomat bildirib.