Rusiya lideri Çin və Hindistanın iştirakı ilə anti-Qərb bloku yaratmağa hazırdır.

Publika.az xəbər verir ki, “The Diplomat” qəzetinin jurnalisti Məhəmməd Zişan Vladimir Putinin potensial niyyətləri haqqında yazıb.

O etiraf edir ki, Rusiya prezidenti Tayvana münasibətdə Çin Xalq Respublikasının ambisiyalarına, Avropa və ABŞ-la iqtisadi qarşıdurmaya müraciət etməyə başlasa, əməkdaşlığın uğuru mümkündür. Hindistanın qüdrətli şərq blokuna qoşulmasına gəlincə, bu ölkə sərhəddəki münaqişə səbəbindən Çinə qarşı inamsızlığı dayandırmalıdır.

“Əgər Vladimir Putin bu əlaqədən Rusiyanın xeyrinə istifadə etmək istəyirsə, Yeni Dehli ilə Pekin arasında gərginliyi azaltmaq üçün bir yol tapmalıdır. Və o zaman Qərb blokuna həlledici zərbə endirmək mümkün olacaq”, Məhəmməd Zişan deyib.

O əlavə edib ki, Rusiya Təhlükəsizlik Şurasının katibi Nikolay Patruşev keçən həftə Yeni Dehlidə Şanxay Əməkdaşlıq Təşkilatının (ŞƏT) iclası çərçivəsində Hindistanın baş naziri Narendra Modi ilə şəxsən görüşüb. Qəribədir ki, Qərb bu söhbətə heç bir önəm verməyib.