Rusiya Prezidenti Vladimir Putin Ukrayna böhranında ABŞ və NATO tərəfindən Rusiyanın əsas təhlükəsizlik tələblərinin yerinə yetirilmədiyini bildirib.

Publika.az xəbər verir ki, bu barədə xarici KİV-lər məlumat yayıb.

Fransa Prezidenti Emmanuel Makronla telefon danışığında Putin qeyd edib ki, Moskva danışıqları davam etdirməyə hazırdır.

Kremldən verilən yazılı açıqlamada ABŞ və NATO-nun Rusiyaya təhlükəsizliklə bağlı yazılı cavablarının bu həftə təhlil ediləcəyi bildirilib.

Rusiya əsas narahatlıqlarının nəzərə alınmadığını qeyd edib: “Bu cavablarda Rusiyanın NATO-nun genişlənməsinin qarşısını almaq, Rusiya sərhədləriyaxınlığında silah yerləşdirməsindən imtina etmək, NATO-nun Avropadakı hərbi potensialı və infrastrukturunun 1997-ci ildəki mövqeyinə qaytarılması kimi Rusiyanın əsas narahatlığının nəzərə alınmadığı və bundan əlavə, ABŞ və onun müttəfiqlərinin Avropada Təhlükəsizlik və Əməkdaşlıq Təşkilatının (ATƏT) və Rusiya-NATO arasındakı əsas sənədlərdə təsbit olunmuş təhlükəsizliyin bölünməzliyi kimi müvafiq prinsiplərə necə əməl edəcəyi ilə bağlı əsas sualın da diqqətdən kənarda qaldığı vurğulanıb.
Ukraynanın şərqi ilə bağlı məsələnin də müzakirə edildiyi bildirilən bəyanatda bu məsələ ilə bağlı Normand formatı çərçivəsində işlərin davam etdiriləcəyi təsdiqlənib.