Serbiya Prezidenti Aleksandar Vuçiç Rusiyanın “Vaqner” özəl hərbi şirkətinin ölkəsindən əsgər toplamaq cəhdlərini dayandırması barədə xəbərdarlıq edib.

Publika.az xəbər verir ki, A.Vuçiç “Vaqner”in Serbiyadan əsgər cəlb etməyə çalışmasını şərh edərkən serblərin Ukraynada döyüşlərə çağırılmasının ədalətsizlik olduğunu bildirib.

“Serbiya Avropada Rusiyaya qarşı sanksiya tətbiq etməyən yeganə ölkədir. Rusiya “Vaqner”in Serbiyadan qoşun toplamaq cəhdlərini dayandırmalıdır. Belə yanaşma həm də Serbiya qanunlarına ziddir”, - deyə A.Vuçiç qeyd edib.

Qeyd edək ki, “Vaqner”in Ukraynada müharibəyə cəlb olunacaq döyüşçülər axtardığına dair elanının serb dilində dərc edildiyi və insanların buna təşviq olunduğu bildirilir.