Rusiyanın Ukraynaya genişmiqyaslı müdaxiləsi fonunda Dünya Bankı 2023-cü il üçün proqnozunun bədbin olduğunu açıqlayıb və qlobal iqtisadiyyatda gözlənilən tənəzzülü elan edib.

Publika.az xəbər verir ki, “Bloomberg”-in məlumatına görə, Dünya Bankı qlobal ÜDM-in artımının bu il cəmi 1,7% olacağını proqnozlaşdırır ki, bu da iyundakı proqnozun yarısı deməkdir.

Bu, 2009 və 2020-ci illərdəki ixtisarlardan sonra son üç onillikdə üçüncü ən pis nəticə olacaq.

Bundan əlavə, Dünya Bankı 2024-cü il üçün artım təxminlərini aşağı salıb. Əsas səbəblər arasında inflyasiya və yüksək faiz dərəcələri var. Bildirilib ki, vəziyyətə Rusiyanın Ukraynaya müdaxiləsi və investisiyaların azalması da təsir edir.

Dünya Bankı inkişaf etməkdə olan bazar iqtisadiyyatlarında ÜDM-in koronavirus pandemiyasından əvvəl gözlənilən səviyyədən 6% aşağı olacağını proqnozlaşdırır.