Yeni il öncəsi Rusiya prezidenti Vladimir Putin Rusiya Federasiyası ilə Çin arasında əməkdaşlığın gücləndirilməsi kursunu açıqlayıb. Müdafiə naziri Sergey Şoyqu isə yeni diviziyaların yaradılmasına göstəriş verib. Bütün bunlar NATO-nun genişlənməsinə cavabdır.

Publika.az xəbər verir ki, bu barədə Çinin "Baijiahao" nəşri məlumat yayıb.

"Yeni il ərəfəsində Moskvada iki inanılmaz vacib bəyanat verildi. Əvvəlcə Rusiyanın müdafiə naziri Sergey Şoyqu yeni diviziyaların və ordu korpusunun formalaşdırılması əmrini verdi, bir qədər sonra isə Rusiya lideri Vladimir Putin Çinlə hərbi və hərbi-texniki əməkdaşlığı gücləndirmək üçün Rusiyanın kursunu elan etdi. Orada həmçinin deyilir ki, Rusiya bununla NATO-nun şərqə doğru genişlənməsinə cavab verir", - nəşr qeyd edib.

Rusiya fevralın 24-də Rusiya prezidenti Vladimir Putinin fərmanı ilə Ukraynada xüsusi hərbi əməliyyata başlayıb. Xüsusi əməliyyatın məqsədlərindən biri də NATO-nun Rusiya sərhədləri yaxınlığında təsirini azaltmaq olub. Lakin bundan sonra NATO-nun təsiri Daha da artdı.