Rusiya Prezidenti Vladimir Putin aprelin 26-da Rusiya xarici işlər naziri Sergey Lavrovla danışıqlar aparmaq üçün Moskvaya gələcək BMT-nin baş katibi Antonio Quterreşi qəbul edəcək.

Publika.az TASS-a istinadla xəbər verir ki, bu barədə Rusiya liderinin mətbuat katibi Dmitri Peskov məlumat verib.

"Aaprelin 26-da BMT-nin baş katibi Antonio Quterreş Rusiyanın xarici işlər naziri Sergey Lavrovla danışıqlar aparmaq üçün Moskvaya gələcək. Onu Rusiya prezidenti Vladimir Putin də qəbul edəcək", - Kremlin sözçüsü bildirib.

Quterreşin ofisi BMT baş katibinin aprelin 25-də Lavrov və Putinlə görüşmək üçün Moskvaya gedəcəyini təsdiqləyib:

"BMT-nin baş katibi aprelin 25-də Rusiyaya səfər edəcək. Antonio Quterreş Rusiyanın xarici işlər naziri Sergey Lavrovla işgüzar nahar və görüş keçirəcək. Baş katibi Rusiya Prezidenti Vladimir Putin qəbul edəcək", - deyə BMT-dən bildiriblər.

Baş katib Moskvada Ukraynada atəşkəs üçün addımların atılması ilə bağlı məsələləri müzakirə etmək istəyir.

Aprelin 19-da Quterreş Rusiya və Ukraynanın BMT-dəki daimi nümayəndəliklərinə məktublar göndərərək iki ölkənin prezidentləri - Vladimir Putin və Volodimir Zelenskidən onu paytaxtlarında qəbul etmələrini xahiş edib.