Ukraynanın Təhlükəsizlik Xidməti Çeçenistan rəhbəri Ramzan Kadırovu axtarışa verib.

Oxu24.com xəbər verir ki, bu barədə məlumatı Ukrayna mətbuatı yayıb.

Bundan əvvəl SBU Rusiya Xarici İşlər Nazirliyinin nümayəndəsi Mariya Zaxarova və Rusiya Təhlükəsizlik Şurasının sədr müavini Dmitri Medvedevi axtarışa vermişdi. Sonuncu Ukraynanın ərazi bütövlüyünə və toxunulmazlığına qəsd etməkdə ittiham olunur.

SBU həmçinin "xüsusi əməliyyat zonası"ndakı Rusiya qüvvələrinin bir qrupunun komandiri general Sergey Surovikini axtarışda olanlar siyahısına əlavə edib.