Türkiyə Prezidenti Rəcəb Tayyib Ərdoğan Rusiyanın nüvə təhdidləri barədə danışıb.
Metbuat.az xəbər verir ki, Ərdoğan yerli mediaya açıqlamasında bildirib ki, o, nüvə müharibəsinin olacağını düşünmək belə istəmir. Ərdoğan nüvə müharibəsinin dəhşətli fəlakətlərə yol açacağını qeyd edib. Ərdoğanın sözlərinə görə, Ukraynanın işğal edilmiş ərazilərində referendumun keçirilməsi vəziyyəti daha da gərginləşdirib. Jurnalistin “iki ölkə arasında sülh hələ də mümkündürmü?” sualına Ərdoğan “mən ümidliyəm” deyə cavab verib. Ərdoğan bu məsələləri müzakirə etmək üçün rusiyalı həmkarı Vladimir Putinlə telefon əlaqəsi yaradacağını ifadə edib.
Qeyd edək ki, Vladimir Putin Rusiyanın ərazi bütövlüyünə təhdid olacağı təqdirdə nüvə silahına əl atacaqlarını bəyan edib.