UEFA Yunanıstanın "Olimpiakos" komandasına azarkeşlərlə bağlı məhdudiyyət qoyub.

Metbuat.az qurumun rəsmi saytına istinadən xəbər verir ki, "Qarabağ"a qarşı Avropa Liqasının qrup mərhələsinin III tur oyununda şimal tribunasına azarkeş buraxılmayacaq.

Buna səbəb Almaniya "Frayburq"u ilə 0:3 hesablı məğlubiyyətli oyunda fanatların pirotexniki vasitələrdən istifadə etməsi olub.

Klub bunun üçün 50 min avro məbləğində cərimələnib.

Qeyd edək ki, oktyabrın 6-da "Olimpiakos" - "Qarabağ" görüşü "Georgios Karaiskakis"da Bakı vaxtı ilə saat 23:00-da başlayacaq.