Tacikistanla sərhəddə toqquşma zamanı 4 qırğız əsgəri yaralanıb.

Publika.az xəbər verir ki, bu barədə Qırğızıstanın Batken vilayəti administrasiyasının mətbuat xidməti məlumat yayıb.

Qırğızıstan tərəfinin məlumatına görə, hər şey sentyabrın 14-də Bulak-Başı ərazisində atışma ilə başlayıb. Tacikistan sərhəd dəstəsi sərhəd bölməsində döyüş mövqelərini tutub. Qırğızıstan sərhədçiləri bildiriblər ki, daha sonra Kak-Sai ərazisində, daha sonra Səmərqəndək kəndi ərazisində daha bir atışma başlayıb.

Tərəflər axşama yaxın atəşkəs və qüvvələrin çıxarılması barədə razılığa gələ biliblər. Qırğızıstan tərəfdən 2 sərhədçi və üç mülki şəxs yaralanıb, Tacikistan 2 nəfərin öldüyünü, 6 hərbçi və 5 mülki vətəndaşın yaralandığını bildirib.

Yerli vaxtla səhər saatlarında başlayan qarşıdurmalar bütün sərhəd boyu davam edib.

Hazırda sərhəddə yerləşən Qırğızıstan kəndlərinin sakinləri təxliyə edilir.