"Ermənilərin cəbhə xətdindəki son təxribatların arxasında əsasən Ermənistanın öz üzərinə götürdüyü öhdəlikləri yerinə yetirməkdən yayınması, müxtəlif bəhanələrlə vaxtı uzatmaq istəməsi faktı durur".

Bunu Publika.az-a açıqlamasında deputat Nəsib Məhəməliyev deyib.

Milli Məclisin deputatının fikrincə, təbii ki, bu məsələdə Ermənistanın arxasında duran və geosiyasi anlamda öz maraqlarından çıxış edən xarici güclərin təsiri çox böyükdür:

"Heç kimə sirr deyil ki, 100 ildən artıq bir müddətdə qlobal güclər, ermənilərdən dağıdıcı element kimi opponentlərinə qarşı istifadə ediblər. Ancaq əsas məsuliyyəti Ermənistan hakimiyyəti daşıyır. Bu ölkə başa anlamalıdır ki, regionda gərginliyin saxlanılmasında maraqlı olan xarici güclərin əlində maşa rolunu oynamağı qurtarmaq lazımdır. Son hadisələrin sülhə aparacağı, Ermənistanın öz üzərinə götürdüyü öhdəlikləri icra etməsindən asılıdır. Artıq, müxtəlif spekulyasiyalar, bəhanələrlə vaxt uzatmaqla toparlanmaq və nəsə əldə etmək ümidi ilə xalqını aldatmaq keçmir. Son irimiqyaslı təxribata əsgərlərimizin cavabı, ermənilərə verilmiş ciddi siqnal olmalıdır. Əks halda, “Dəmir yumruq” sözünü deyəcək".