"Kremldə saray çevrilişini təşkil edə biləcək şəxsiyyət yoxdur"

"Amma zabitlərdən biri bədnam gümüşü portsiqarı çıxarıb Putinin gicgahını nişan alacaq"

"Onun ətrafı özündən də çox bozumtul insanlardır"

Hazırda Rusiya prezidentinin ətrafında hakimiyyət dəyişikliyinə gətirib çıxaracaq saray çevrilişini hazırlayıb təşkil edə biləcək şəxsyyət yoxdur.

Moderator.az xəbər verir ki, bunu "QORDON" internet- nəşrinin baş redaktoru Alesa Batsmana müsahibəsində keçmiş DTK kəşfiyyatçısı, Putinin tələbə yoldaşı Yuri Şvets bəyan edib.

Putinin Ukraynaya qarşı nüvə silahını tərbiq edəcəyi ehtimalını dəyərləndirərkən o, belə proqnoz verib ki, belə bir əmr Rusiya hərbçiləri tərəfindən icra edilməyəcək və Rusiya zabitlərindən biri bədnam gümüşü portsiqarı çıxarıb Putinin gicgahını nişan alacaq".

Putinin ətrafı sanksiyalar altına düşdüklərinə görə, heç şübhəsiz, narazıdır, lakin bu ətraf "kadrların seçilməsində" buraxılan səhvlərin nəticəsidir.

Şvets danışıb ki, Putinin DTK- da şərti adı "siqaret kötüyü" və "solğun güvə" olub.

"Bunlar onun necə adam olduğunu səciyyələndirir. O, bozumtul cılız varlıqdır, onu elə buna görə prezident ediblər. Ona görə ki, böyük Rusiyanı yox, Yeltsinin ailəsinin kapitalını qoruyub saxlamaq üçün. Bunun üçün isə bozumtul idarə edilən adam lazım idi. Amma yanıldılar. O, öz daxili aləmində özünün kim olduğunu yaxşı anlayır. Ona görə də tabeliyində olanlar sistemin qaydalarına görə ondan ağıllı olmamalıdır, əksinə, daha axmaq olmalıdır", - sabiq kəşfiyyatçı sözlərinə davam edib.

Şvetsin dəyərləndirməsinə görə, Putin özünü özündən də bozumtul və cılız şəxslərlə əhatə edib.

"Bax, ona görə də Ukraynaya qarşı müharibə etmək lazım idi ki, bu sistemin çürük olduğu aydın olsun", - o, əlavə edib.

Batsman soruşub ki, elə adam tapılacaqmı Rusiyada " saray çevrilişini" edə bilsin və desin ki, "bəsdir"?

"Mənə elə gəlir ki, əgər nüvə silahının tətbiq edilməsi üçün fəlakətli qərar verərsə, onlar problemi həll edəcək, başqa yol qalmayacaq...
Mənə elə gəlir ki, Hitlerə qarşı təşkil edilən sui- qəsdə oxşarını təşkil etmək mümkün deyil, çünki bunlar bozumtul, çılız varlıqlardır. Bunun üçün üzərinə məsuliyyət götürməlisən. Elə bir sistem mövcuddur ki, hər kəs izlənilir. İvanov Petrova yaxınlaşıb nəsə deməlidir. O anda ağıla fikir gələcək: "Birdən mən deyərəm, Petrov məni satar". Bax, təxminən belədir...Şəxsiyyət yoxdur", - Şvets cavab verib.

Daha sonra Şvets deyib ki, Putin öz varlığını Səddam Hüseyn, yaxud Qəzzafi kimi bitirməlidir.

"Tale Putini Rusiyaya bəxş edib ki, "bu sivilizasiya ən ləyaqətsiz tərzdə sona yetsin", - Şvets belə hesab edir.

O, Ukraynaya qarşı törətdiyi müharibəyə görə Haaqada Beynəlxalq cinayət məhkəməsi qarşınına çıxarılmalı və öz cinayətlərinə görə cəza çəkməlidir.

Hesab edirəm ki, Putin öz varlığını Səddam Hüseyn kimi bitirməlidir, amma ola bilsin ki, Qəzzafinin taleyini yaşasın", - Şvets belə deyib.