İranın nüvə proqramı üzrə Birgə Hərtərəfli Fəaliyyət Planının (JCPOA) bərpasına dair danışıqlarda irəliləyiş fonunda ABŞ-İsrail münasibətləri gərginləşib.

Publika.az xəbər verir ki, bu barədə məlumatlı mənbələrə istinadən "Axios" nəşri yazıb.

Müəlliflərin fikrincə, İsrail nüvə sazişinin bərpasına fəal şəkildə qarşı çıxır. Nəşr bildirir ki, son həftələrdə bu məsələ ilə bağlı danışıqlarda əldə olunan irəliləyiş İsrail tərəfini ABŞ-ın İsrailə yəhudi dövlətinin maraqlarına uyğun olmayan güzəştlərə gedə biləcəyindən narahat edir.

Öz növbəsində, israilli həmkarları ilə son danışıqlar zamanı Ağ Ev nümayəndələri onları Tehrana yeni güzəştə getmədiyinə inandırmağa çalışıblar. Qəzet yazır ki, Vaşinqton hələ də İranın nüvə proqramı üzrə sazişin bərpasını qaçılmaz hesab etmir, Vyana danışıqlarının aralıq nəticələri ilə bağlı ehtiyatlı nikbinlik ifadə edir.

“Yəqin ki, razılaşma iki həftə əvvəlkindən daha yaxındır, lakin fikir ayrılıqları qaldığı üçün danışıqların nəticəsi hələ də qeyri-müəyyəndir. Bu və ya digər şəkildə, nəticə zəmanətli görünmür" - Amerika administrasiyasının adı açıqlanmayan nümayəndəsi qeyd edib.