Çin ABŞ-ın Nümayəndələr Palatasının spikeri Nensi Pelosinin Tayvana səfərinə qarşı başladığı hərbi təlimlərin yeni mərhələsinə keçib.

Publika.az xəbər verir ki, Çin ordusu Tayvan adasına hücumun ssenarilərini məşq edir.

Tayvan Müdafiə Nazirliyinin məlumatına görə, sərhədçilər Çin ordusuna aid olan çoxsaylı döyüş təyyarəsi və gəmini Tayvan boğazında görüblər.

“Artıq “orta cizgini” keçiblər, adadakı hədəflərə hücum məşqi edə bilərlər”, - məlumatda bildirilir.

“Orta cizgi” Tayvan boğazında Çin və Tayvanın nəzarət bölgələrini ayırır.

Çinə aid pilotsuz təyyarələrin dünən gecə Tayvanın nəzarətindəki Kinmen və digər adaların ətrafında uçduğu haqda məlumatlar var. Tayvan hesab edir ki, Pekin xüsusilə Çinə yaxın olan kiçik adaları tuta bilər.