İranlı ekspert qərəzli münasibət bildirib

İranlı ekspertdən daha bir anti-Azərbaycan açıqlaması: “Bakını İrana qaytarmaq lazımdır”

Qazet.az xəbər verir ki, hər zaman anti-Azərbaycan yazıları ilə gündəmə gələn və özünü Qafqaz üzrə “siyasi şərhçi” kimi qələmə verən Salar Seyfəddini indi də “Təbrizin sehirli nağılları” kitabının bütün dünyada böyük maraqla qarşılanmasına qərəzli münasibət bildirib.

O, habelə Türkmənçay müqaviləsinin 100 il müddətə qüvvədə olduğu və indi onun müddəti başa çatdığı üçün “Bakını İrana qaytarmaq lazımdır” kimi cəfəng fikirlər səsləndirib, həmişə olduğu kimi Azərbaycan Cumhuriyyətinin müstəqilliyini, suverenliyini və ərazi bütövlüyünü şübhə altına alıb.

Öz Twitter səhifəsində sözügedən kitabın geniş ictimaiyyət tərəfindən oxunması ilə bağlı foto paylaşan “ekspert” yazıb:

“İcazə verin sizi Təbriz “uydurmalarından” biri ilə tanış edim. Təbrizdəki məşhur əfsanələrdən biri də budur ki, Türkmənçay müqaviləsi yüz il müddətinə qüvvədədir və indi onun müddəti başa çatdığı üçün “Bakını İrana qaytarmaq lazımdır”.