Rusiyanın Ukraynaya qarşı müharibəyə başladığı fevralın 24-dən iyunun 22-si saat 00:00-a qədər mülki əhali arasında zərərçəkənlərin sayı 10 465 (bir gün əvvəl - 10 403) nəfər təşkil edib ki, onlardan da 4 662 (4 634) nəfəri həlak olub.

Bu barədə BMT-nin İnsan Hüquqları üzrə Ali Komissarlığı məlumat yayıb.

“Mülki əhali arasında ölüm və ya yaralanma hallarının əksəriyyəti geniş təsir sahəsinə malik partlayıcı qurğuların istifadəsi, o cümlədən ağır artilleriya və çoxsaylı reaktiv raket sistemlərindən atəşə, həmçinin raket və hava zərbələri nəticəsində baş verib”, - məlumatda deyilir.

BMT-nin təsdiqlənmiş məlumatlarına görə, ölənlərdən 1789-i kişi, 1207-i qadın, 148-i oğlan və 131-i qız olub. 41 uşaq və 1346 yetkin şəxsin isə cinsi mənsubiyyətihələ müəyyən edilməyib.

Mənbə: interfax.com.ua